bayraq

Azerbaycan milli hereketin Sulduz shehidleri (2007)

bayraqtutan — Tue, 24 Jun 2008 13:50:56 GMT

Azerbaycan milli hereketin Sulduz shehidleri (2007)

آذربایجان میللی حرکتین سولدوز شهیدلری

زمانیکه به هر یک از قبرستانهای ایران در هر شهر یا روستا در جای جای ایران که می رویم قبوری که بر فراز آنها پرچم هایی نسب گشته از دور مشخص است و تمایز انسانهای در آنجا خفته را نمایان می سازد و آنان شهدایی هستند که در اندیشه خود به خاطر اسلام و دفاع از وطن اسلامی در آنجا آرمیده اند. جوانان غیور و با شرف سولدوز با برافراشته کردن پرچم های مقدس آذربایجان جنوبی بر سر آرامگاه شهدای قیام خرداد 85 آذربایجان در سولدوز ندای آزادگی ( شرفلی میللتلر اوز بایراقی آلتیندا یاشار ) را در سرتاسر جهان سر دادند تا بر همگان بفهمانند که اینان نه شورشگر و نه
یاغی بلکه انسانهای آزاده و راد مردانی بودند که در مقابل ظلم و جور رژیم آپارتایدی ایران ایستادند و در راه آزادی ملت و وطن خویش از دست فاشیستهای فارس و اشغالگران خاکشان به پا خواسته و خون پاک خویش را فدای راه حق حرکت ملی آذربایجان نمودند. از خودگذشتگی های این جوانمردان درس آزادگی را بر ما می آموزد. اما متاسفیم برای کسانیکه درس آزادگی را یاد نگرفته اند، خودفروخته هایی که در مقابل حرکت ملی آذربایجان ایستاده اند و یا کسانیکه یک جانبه و بصورت مغرضانه با این قضایا برخورد می نمایند که نشنیده اند سخن دکتر چهرگانی که فرمود: پرچم هر ملت عصاره
و خلاصه هویت ملی آن ملت است. پرچم برافراشته نشانه آزادی و حریت یک ملت است. جنبش دانشجویی آذربایجان- سولدوز

بیر کره قالخان بایراق ، بیر داها یئره یئنمز

bayraqtutan — Tue, 24 Jun 2008 13:49:22 GMT

بیر کره قالخان بایراق ، بیر داها یئره یئنمز

Güney Azərbaycanın bayrağı Azərbaycanın həmədan bölgəsində dalğalanmagdadır

آذر آیینین 21 : همدان بولگه سینین میللت چیلری بوگونو گونئی آزربایجانیمیزین دئولت چیلییی گونو کیمی شانلیق ائتدیلر. او جومله دن بین الخالق تشکیلات لاردا تانینان و بیر باشا گونئی آزربایجان باغیمسیز تورک جومهورییتی دئولت چیلی یینی نیشانا توتان ، قوتسال میللی بایراغیمیزی ، همدان و اونونلا اولان بیر سیرا کؤی لرین اؤنملی یئرلریندن آسیلدی.

دئمک همدان میللی حرکات ساحسینده ، آزربایجانیمیزین باشقا شهرلری کیمی گئدیر کی دئمک اوچون سؤزلری اولسون . بوگون آذر آیینین 21 آخشام گون باتان راده لرینده ، 21 آذر ایل دؤنومو ایله باغلی باشقا شهرلرله برابر شانلیغا قاتیلاراق مقدس گونئی آزربایجان میللی بایراغینی همدان ، باهار ، رزن و بیر سیرا یئرلرده آسمیشلاردیر. اونونلا یانی سیرا چئشیتلی اعلامیه لر 26 آذر سوی قیریم گونو کیمی تانیتماق و 21 آذر ، بایرام کیمی عزیز له مک اوچون داغیدیلماسیندان خبر وئریلیر کی خبرین آردینجا بونلاردان بیر سیرا شکیللر و فیلملر گؤره بیلرسینیز.

ماراقلاری بو کی داغیلان شبنامه لرده هئچ بیر گؤستری یا تظاهوراتا هله لیک چاغیریلمامیشدیر آما گونئی آزربایجانین میللی بایراغی آسیلیب و اعلامیه لر یایینلانان دان سونرا امنیت قووه لری ائله اؤزلرین ایتیریبلرکی سانکی تئزلیکله بیر پیکئت کئچیریلمکده دیر.

آرتیلمالی ییق کی تخمین وورولور همدانین اؤزه ل و قووه لی پتانسیلینه گؤره میللی حرکات گئت گئده اورالاردا سورعت آلماقدادیر و بو فارس شوونیزمیله یئنی بیر ساواش جبهه سینین آچیلمیشی دئمک دیر.

Videofilmin gormek ichin tiklayin

Turkiyede bayraq 10minler ishtirakchinin huzurunda dalgalandi

bayraqtutan — Tue, 24 Jun 2008 13:47:54 GMT

Turkiyede bayraq 10minler ishtirakchinin huzurunda dalgalandi

تورکیه ده اون مینلر ایشتراکچینین حضوروندا دالغالاندی 2007

پرچم ملی درحضور دهها هزار نفر بر افراشته شد 2007

suedin istehlkom shehrinde 2007

bayraqtutan — Tue, 24 Jun 2008 13:47:04 GMT

suedin istehlkom shehrinde 2007

سوئدین استهلکم شهرینده 2007

در شهر استهلکم سوئد 2007

بایراقدان شکیل

bayraqtutan — Tue, 24 Jun 2008 13:44:22 GMT

اوجا ميللت و شرفلي حركت چي ميللت چي لر

bayraqtutan — Tue, 14 Nov 2006 12:34:18 GMT

اوجا ميللت و شرفلي حركت چي ميللت چي لر

بابالاريميز دئميش كي"آز ياشا آزاد ياشا"،اولوسال و حیماسي قهرما نيميزبابك ده دئميش كي "بير ايل

آزاد ياشاماق، قيرخ ايل كؤله ليكدن اوستوندور،" گئنه باباميز خيیاباني رحمتليك بويورموش "اگر من

ايستيبداد و ياشاماقلا، آزادليق و اؤلومون ايكيسيندن بيريني قبول ائتمك زوروندا قالسام آزادليق و اؤلومو

سئچه رم".

ده يرلي ميللت! بيلدييينيز كيمي هر ميللي شعورا ماليك اولان و آييق- ساييق ميللتين ان قييمتلي وارليغي اونون

ميللي وارليغي دير. بو وارليق او قدر عزيزدير كي شرفلي ميللت لر اونون قورونماسي و قاليب ياشاماسي

اوچون بوتون اؤزل وارليق لاريني فدا ائتمه يه حاضير اولارلار،ايندي گؤره ك اؤزل وارليق نه دير و ميللي

وارليق نه دئمك دير؟

هر اينسانا عاييد اولان بير پارا وارليقلار وار، بو وارليقلار ايكي جور دور:

1- ماددي:هر اينسان و يا عاييله يه منصوب اولان ماددي وارليق لار،ائو،آرابا ، باغ، باغچا و يا سايير بونلار

كيمي شخصي و يا عاييله وي وارليق لار.

2- معنوي :شخص و يا عاييله نين دوشونجه سي ، اينانجلاري،كاراكتر و پرئستيژي ، آبير-حئيثييتي ، شرف و

بونلارا بنزه ر سايير وارليق لار.

بيلدييينيز كيمي ميللي وارليقدا ايكي حيصه يه بؤلونور:

1- ماددي: يعني بير شخص يوخ بلكه بير ميللته عاييد اولان توم ماددي وارليق لار، دنيز لر، چايلار،

مئشه و اورمانلار، توم يئر آلتي ثروتلري، معد ن لركيمي، يوللار، عمومي بينالار، پاركلار و ...

2- معنوي: هر ميللتين وطني ، تاريخي ، كئچميشي ،اينانج ، ايدئولوژي و دوشونجه لري ، كولتور،

مدنييت، موسيقي، عادت لر، سنت لر ، عنعننه لر، ميللي گون لر، ميللي قهرمانلار ، بايراملار، كلاسيك

ادبيات، فولكلور،و بونلارين هاميسينين ايكي گوزو ، چيرپينان يوره يي و آراشديران بئييني اولان ، ديلي،

اونون معنوي واليغي تانينير و سانيلير.

بو ايكي حيصه يه بؤلونن وارليغا ميللي وارليق دئييرلر. دونيا نين ان گليشميش ،مترقي و گوجلو و درين

كولتورلره ماليك اولان ميللت لري ، ميللي وارليقلاريني قوروماق و اوندان هر تور تعددي و تجاووزو دفع

ائتمك اوچون هر شئي لريني ، حتي اؤزل آبير و حئيثييت لريني قوربان وئرمه يه حاضير اولورلار، ميللي

وارليق بير ميللتي ميللت ائدن عنصر لر دير. ميللي وارليق ،ميللي آبير ، ميللي حئيثييت ، ميللي

ناموس و ميللي شرف دئمك دير، بئله ليك له، اؤزگه لر و يابانجي لار توسطو ايله وطنه، ديله و يا ميللي

وارليغين هر بير حيصه سينه آياق باسماق، قاداغالار قويماق و زوراكيليقلا بونلارا بنزر هر بير عمل، ميللي

وارليغا تعددي و تجاووز سانيلارو تانينار، آچيق و آيدين اولاراق ناموس و شرف آنلامين بيلن بير ميللت، اؤز

ميللي وارليغينا تجاووزو قبول ائتمز و سايير ميللت لرين ميللي وارليقلارينا آياق باسماز. گئنه بللي اولاراق هر شرف معناسيني آنلايان بير ميللت ، توم اوزل وارليغيني فدا ائتمه يه و ميللي شرفينه سورولن قارا تجاووز لكه سيني

سيلمه يه حاضيراولار. بوتون آذربايجانين و اوزه لليكله گونئي آذربايجانين ، وضعييت و دورومو هامييا

بلليدير و هر بيريميزين وظيفه و گؤره ويده بلليدير- بونا آچيق ليق گئتمه يه گرك يوخ.

ايذين وئرين دئييم ، لطفا مني باغيشلايين، قارداشلارو باجيلار ! اؤج و انتقام دويقوسي مني بوغاركن و

گوزله ريم ياشلا دولاركن، بو جومله ني سويله ييرم : فارس شوونيزمي الييله بيزيم ميللي وارليغيميزا قارا لكه سورولوبدور، شرفيميز وارسا اونوپاكلاماق زورونداييق.

"بسم الله يا ميللت بويورون ، ايشته مئيدان"

بيلدييينيز كيمي قوللوق و كؤله ليكدن قورتولموش، آزاد و اؤزگور ميللت لر ، يابانجي لار و خصوصا ميللي

شرف دوشمن لري حاكمييتين قبول ائتمزلر..

آزاد و اؤزگور ميللت لر، اؤز حاكمييت و اه گه منليك لرين قورارلار ...

آزاد و اؤزگور ميللت لر، اؤز اينانجلاري ، اؤزدوشونجه لرييله و ايسته ديكلري كيمين ياشارلار...

آزاد و اؤزگور ميللت لر، وطن لرين اؤزلري قورويوب و سينيرلارين كندلري جيزارلار...

قورخاق و آلچاق ميللت لرين موقددراتين ، يابانجي لار تعيين ائده رلر.

كولتورلو و مدنيت لي ميللت لر ، نئقاتيوآسيميله اولمايي و ائتمه يي قبول ائتمز لر.

بدوي ، كولتورسوز ، مدنييت سيز ، جسارت سيز و ديل سيز- آغيز سيز ميللت لرين ميللي وارليغي اريييب ،

يوخ اولار. ذكي و مودريك ميللت لر (هر نه يين باهاسينا اولور، اولسون) ميللت لرينين و ديللرينين اؤلومونه ،

و دوشمن لري الييله تاريخين اؤلو ميللت لر و اؤلو ديللر قبريستانيندا گومله سينه ايزين وئرمه زلر.

اوجا ميللت، بيلدييينيز كيمي ، آزادليق ، اؤزگورلوك و ميللي حاكمييتين، سيمگه و سيموولو اولماليدير.تاريخ بويو ، آزادليق و اؤزگورلوك و كندي حاكمييت لري آلتيندا ياشايان ،ميللت لرين سيمووللاري و سندلري ، بايراقلاري اولموشدور.

بايراق آزادليق واؤزگورلوك سندي و فاكتيدير.

بايراق، حاكمييت و اه گه منليك سيموولودور.

بايراق ميللت لرين حايات دا اولوب ،ياشاماسينين بليرتيسيدير.

بايراق هر ميللتين ميللي ناموس و شرفي دير.اونا گؤره دئميشيك كي :

"شرفلي ميللت لر اوز بايراقلاري آلتيندا ياشارلار" و "شرفلي ميللت لر اؤز بويوروقلاري آلتيندا ياشارلار".

ده يرلي ميللت! بيلدييينيز كيمي، ايران آدلا نان اؤلكه نين باش كندي و اوردا دالقالا نان بايراق،

بابا لاريميزين ياپديغي پايتاخت و بايراق دير، اما هر حالدا معلوم اولان دليل و نده ن لره گؤره- اينديكي

دورومدا (البته يوز ايله ياخيندير) آذربايجان توركونون ميللي وارليق و ميللي شرف دوشمنينين ، يعني فارس شووينيزمينين، سيمگه و سيموولونا چئوريليبدير، بو نده ن له ، ايراندا حاكيم اولان رئژيم ، گونئي آذربايجانين 35000000 تورك ميللتينه، ميللي حاكمييت ، تهران شهري باش كند ، و اوردا دالقالانماقدا اولان بايراق، ميللي

بايراق سانيلا و تانينا بيلمز.

اونا گؤره بيزيم اصيل دوغما وطنيميز آذربايجان، باش كنديميز آذربايجانيميزين تاريخي باش كندي اولان

تبريزو ميللي ديلي ميزين آدي آذربايجان توركجه سي و ميللي بايراغيميزدا آذربايجانين اوچ رنگي و

آي اولدوزلو بايراغي دير.

بو، گونئي آذربايجانين ميللتينين اوز موقدراتيني الده ائتمك دئمك دير، بو دئموكراسي و اينسان حاقلاري پرينسيب لريني قبول ائتمك و ده ير وئرمك دئمك دير. بو حتي ايراندا اولان رئژيمين قبول ائتدييي و يا

قبول ائتمك زوروندا اولدوغو، اولوسلار آراسي قبول اولونان قانون و ياسالارا عمل ائتمك دئمك دير.

(لطفا بيرله شميش ميللت لر تشكيلاتينين باش مجليسينين 1 دئكابر 1973- جو ايل 3103 ساييلي

قطعنامه سينه ، 1949- جو ايل ژئنوئر كونوانسييالارينا ، بيرله- شميش ميللت لر تشكيلاتينين باش

مجليسينين بير دئكابر1948-جي و16 دئكابر 1966-جي ايللرده بئينالخالق و اينسان حاقلاري حاقيندا

قبول ائديلميش بياننامه لرينه ، بيرله شميش ميللت لر تشكيلاتينين باش مجليسينين 24 دئكاير 1950- جي ايل 421 ساييلي قطعنامه سينه، 1960-جي ايل بياننامه سينه و سايير بيرله شميش ميللت لر تشكيلاتي و

اولوسلار آراسي(EF) اؤرگوتونون چيخارديقلاري و وئرديكلري قرارنامه لره ديقتله باخينيز).آما نده ن

بو تركيبده بايراق، ايذين ايسته رم اونون جوابيني موراجعتيمين گلن بؤلومونده وئريم.

ياشاسين آذربايجان ميللتي و ميللي وارليغي

محواولسون ميللي شرف دوشمنيميز، فارس شووينيزمي

ان درين سئوگي و سايقي لاريملا، محمودعلي چهره قا نلي

27 فئورال 2003 واشينگتون- آمريكا

شرفلي آذربايجان تورك ميللتي ويئنيلمز حركتچي ميللت چي لر

bayraqtutan — Tue, 14 Nov 2006 12:33:18 GMT

شرفلي آذربايجان تورك ميللتي ويئنيلمزحركتچي ميللت چي لر

بيلديينيز كيمي موراجعتيميزين بيرينجي بؤلومونده ، ميللي بايراقلا باغلي ، لازيم اولان موضوعلارا توخوناراق، بايراغيميزين نده ن بو فورما و ياپيدا اولماسي، قونوسونا وارديق، ايندي بو موراجعتيميزين بو بؤلومونده- بو قونويا لازيم اولدوغو قدر توخوناجاغيق.

ائله كي دئديك، بايراق بير ميللتين ميللي وارليغينين تمثيلچي سي، نوماينده سي، سيمگه و سيموولودور. بايراق هرميللتين عصاره وخلاصه سي دير.ميللي وارليق، بير ميللتي ميللت ائدن عنصرلردئمك دير. ميللتي، ميللت ياپان عنصرلرده، او اولوسون كئچميشي، تاريخي ، وطني،كؤك و سويو و اعتقادلاري ، اينانجلاري، پيسيكولوژيك و سوسيال داورانيشي، عادت عنعنه لر، سنت لر، ادبيات، فولكلور، موسيقي و ديلي دير، يعني بير آنلامدا كولتور و مدنييتي دير.

بئله ليكله ميللي بايراق بوعنصرلرين گؤسترگه سي و تظاهورو اولماليدير. بو قورال و قاعده لري نظرده آلاراق، آذربايجانين تاريخ چي لري، پولوتيك چي لري، كولتور و مدنيت اوزمان لاري و

سايير گره كن اختصاص چي لاري توپلانيب، 1918 ده اصلييتي گونئي لي اولان باباميز، محمد امين رسولزاده اؤنده رلييينده ، آزادليق و ايستيقلالينا قوووشموش، وطنيميزين بير حيصه سينه، ميللي بايراق تعيين ائتميش لر.

نئجه كي جان و روحون ساغ سولو اولماز، ميللتين ده بير وجود و بير وارليق آنلاميندا، ائله جه ده وطنينده بير معنوي وارليق مفهوموندا ايكي چئشيت - بيرچئشيت لييي اولا بيلمز، چونكو او تايليني ميللت ائدن عنصرلر- بو تايليني ميللت ائدن عنصرلر له عئين دير. دوشمنين تجاووزو نتيجه سينده، بير جغرافيا وبير توپلوم ايكي و يا نئچه حيصه يه، آذربايجانيميزين 1813 و 1828 لرده ، روس و فارس الييله بؤلوندويو كيمي، بؤلونه بيلر، بيلدييينيزكيمي بو بير فيزيكي بؤلونمه دير، آما معنوي آچيدان هئچ قدرتين، بير اورتاق معنوي وارليغي، بؤلوب ايكي ائتمه يه گوجو يئتمز.ال و آياق ايكي سيده بير وجودون پارچالاريدير، اونلاري بير- بيريندن آييرماقلا، هره سينه بير

مستقل آيري وجود دئمك ممكن دئييل سه، وطن و ميللت ده عئين اؤيله دير.

سوندوغوموز دليل لره گؤره ، قوزئي و گونئيين بايراق ياپي و عنصرلرين عئين اولماسي، ظاهري گؤرونوشون عئين

اولماسي آنلاميندا دئييل.فيزيكي آچيدان ايكي حيصه يه بؤلونموش ميللتين ، ايكي بايراق قالديرماسي دا، اينديكي دورومدا، وار و موجود اولان شرط لره گؤره دير (عئينا ايكييه بؤلونموش، آلمانيالار، يمن لر ويتناملار و كورئالار كيمي، ايكي حيصه يه بؤلونمك مجبورييتينده قالان، ايكي بايراق قالديريلير، آما پارچالانميش ميللتين عزم و اراده سي سونوجوندا، بؤلونموش ميللت بيرله شيرسه، بايراقلاردا بيرله شر، ايكي يه بؤلونموش آلمانيانين بيتؤوله شدييي تقديرده ، ايكي بايراغين بيرله شدييي كيمي). بيلدييينيز كيمي بايراغين هر جزء وعنصرو بير و يا نئچه مفهوم و آنلام داشيمقدادير، منيم بيلديييمه قدر، آذربايجان بايراغيني تكميل لشديرن عنصرلرين آنلامي آشاغيدا گلدييي كيميدير:

گؤي و يا ماوي بويا: توركلوك و تورك چولوك ، اوجاليق، يوكسه ليش و اوجالارا وارما و يوكسلمه نييتينده اولماق آنلاميندادير، بيلدييينيز كيمي بايراق هر ميللتين دوشونجه و معنوي دونياسينين سيمگه و سيموولودور، دونيانيندا ان اوست حيصه سي ماوي بويادا اولان گؤي لر دير، اونا گؤره بير رئال گرچك و طبيعي عنصرده ساييلا بيلر، ماوي بويا ، ريفاه ، بوللوق، راحاتليق و دينجليك، ووقار و عئين زاماندا گنجليك آنلاميندا گليب دير.

آل و يا قيرميزي بويا: بير آنلامي، قدرت، گوج، گليشمه ، تمدن ، ترقي ، تكامل، چاغداشليق و معاصرلشمه دير، چاغداشليق و يا معاصرلشمه ، بو آنلامدا دئييل كي آذربايجان تورك ميللتي، اؤز منليك و كيمليييني اونودوب باتي كولتورلرده اريييب آسيميله اولسون، بلكه بو آنلامدادير كي ميللتيميز اونو ميللت ائدن تمل عنصرلري ، قورويوب ، گوجله نديريب ، ساخلاياراق، باتي مدنييتينين، باتي گليشمه سينين، باتي بيليم و علمينين، مثبت يؤنلرينده هئچ بير انگل تؤره تمه دن توم ياشام ساحه سينده فايدالانا بيلسين.قيرميزي بويانين بير آنلاميدا بايراغين چوخ ده يرلي، قييمتلي و پاك قانلارباهاسينا اله گلديييني يانسيتماقدادير، يعني بايراغي،بايراق ياپان، اوغروندا وئريلن قاندير. مع الاسف، قانسيز بايراق ياپيليب، دالقالانمير. بيرينجي موراجعت ده دئديييم كيمي بابالاريميز كئچن 98 ايلده آزادليق، دئموكراسي و ايستيقلال اوغروندا 100 مين لر اينسانيميزي قوربان وئرميشلر و حالا باشيميزين اوستونده دالقالانان بايراق اؤز بايراق دئييل دير. قيرميزي بويانين ياشيلليق(يئر) و ماويليك ( گؤي) اورتاسيندا گلمه سينين بير آنلاميدا بايراق اوغروندا نه قدر زحمت لر چكيلديييني، مصيبت لر و اشكنجه لر گؤرولدويونو، پاك و مقدس قانلار ايتهاف ائديلديييني و يئرله گؤي آراسي يعني توم دونياميزين قانلا دولدوغونو ترجومان ائتمك ده دير.

آغ بويالي آي و سگگيز بوجاقلي اولدوز: بيلدييينيز كيمي خيريستيان عالمي و جامعه سينسن ان اؤنملي سيموولو، صليب و يا خود خاچ اولدوغو كيمي، گئنلليكله دوغو و يا موسلومان واؤزه- لليكله بؤيوك تورك دونياسينين دا ان اؤنملي و ده يرلي سيموولو آي و يا آي و اولدوز

اولموشدور، كئچميشده و حال حاضير ده تورك سولاله سيندن اولان تورك حاكمييت و يا دؤولت لرين بايراق لاريندا بيرويا نئچه آي و بعضا ده اولدوزلا بيرليكده اولموشدور، بو فاكتي نظرده آلاراق و بيزده كنديميزي چوخ عظمت و احتيشاملي بابالاريميزين خلف و غئيرتلي تورونلاري حساب ائده رك ، او سئويملي و اونور قايناغي سانيلان علامت و نشان لارين ، باشيميز اوستونده دالقالانماقدا اولان بايراغيميزدا اولماسين و دالقالانماسين ايستيريك. آي و اولدوزون آغ بويا دا اولماسينين بير آنلاميدا تورك ميللتينين ساواشجيل يوخ، بلكه باريشجيل، صلح و امن- آمانليق سئون ميللت اولدوغونون گؤسترگه و تطاهورودور.آي و اولدوزون آغ بويا دا اولماسينين بير آيري آنلاميدا قارانليغي يوخ بلكه ايشيقليغي سئومك، نور و ايشيقليقدا ياشاماقدير. اولدوزون سگگيز بوجاقلي اولماسينيندا نده ني بودور كي، آذربايجان بؤلگه سينده اولان تورك كؤكه نلي دؤولتلرين بايراقلاريندا ، چوخونلوقدا، سگگيز بوجاقلي اولدوزاولموشدور.اولدوزون سگگيز بوجاقلي اولماسينين بير آنلاميدا بودور كي - بير سؤيله مه گؤره - اوغوز بويلاري دوققوز اولموشلار وهميشه بويلارين بيري حاكبيميت ده اولاراق ، سايير سگگيز بويا حكم سورموشدور. اونا گؤره بايراق حاكيبميت ده اولان بويو و سگگيز اولدوزدا، سايير بويلارين آنلامي گؤسترگه- سي و تظاهورودور.

ياشيل بويا: بيلدييينيز كيمي هر بير ساغلام اينسان يئر اوزونون ياشيل اولماسين ايستر، بونا گؤره كي ،ياشيلليق هاواني پاكلايان ، اوكسيژئني آرتيران، دي اوكسيد كربونو آزالدان، ياشام، حايات ، بوللوق ونعمت ، عمران و آوادانليق آنلاميندا داشيماقدادير، بير آيري سؤزله ياشيلليق دونيانين گئنج، ديناميك و هپ باهار و ياز چاغيندا اولماسي ايسته يي آنلاميندا يانسيتماقدادير. بيلدييبنيز كيمي بؤيوك تورك دونياسي و اؤزه لليكله آذربايجان تورك لري، ياخلاشيق، 1200 ايلدير كي ايسلامييت قبول ائديب، موسلومان اولموشلار. 1918 ده آذربايجان بايراغي ياپيليب تعيين ائديله نده ، اوچ تمل و بينؤوره سانيلان، اصل و پرينسيبه ان چوخ اهميت وئريلميشدير. توركچولوك

و ماوي بويا اونون گؤستر گه سي، چاغداشليق و قيرميزي بويا اونون گؤسته رگه- سي و ايسلامييت و يا خود موسلومانچيليق و ياشيلليق اونون گؤسته رگه سي، حساب ائديليب

و سئچيلميشدير.

گونئي آذربايجان ميللي اويانيش حركاتي (گاموح) ، گرچكدن چوخونلوغو موسلومان اولان،

نئچه ميليونلوق تشكيلاتدير، بو تشكيلات بابالاريميزين چيخارديقلاري قرارلاري و همده موجود اولان قوزئي آذربايجانين بايراغين منيمسه ييب، ان صميمي سئوگي و سايقي سيني بليرته رك،

اوجا ايسلام دينينين اوصول وقوراللارين نظرده آلاراق، (ايسلامدا بير وارليغي قبول ائديب و ائتمه مك ده، بير شئيه اينانيب-اينانماماقدا، زوراكيليق و مجبورييت اولماماليدير) و ان مكمل شكيلده دئموكراسيايا ايناناراق ، ميللتيميزين هر حاليكاردا، چوخونلوغونون اينانديغي ايسلام دينينه، مذهب آييريمي ياپمادان، سني - شيعه و يا خود جعفري- علوي و ...دئمه دن، ان درين حؤرمت و سايقي سيني ثبوت ائديب، بليرته رك (حتي بئله موسلومان اولماساق داهي و سايير دين و اينانجلارا (دئموكراسيا، انسان حاقلاري، وجدان حرييتي و منطق چرچووسينده) سايقي و حؤرمتله داوراناراق) ، يوخاريدا سايديغيميز اوصول و اوچ پرينسيبه بعضي دئييشيكليكلر وئرميشدير. يعني گاموح تشكيلاتي مرامنامه سينده عكس اولدوغو كيمي، توركچولوك ، چاغداشليق،اينانج آزادليغينا اينانماقدادير، بئله ليكله يوخاري و سول بوجاقدا اولان اوچ گئن (مثلث) ماوي اولاراق ، توركچولويوموزو، اورتادا آشاغي و يوخاري دا اولان قيرميزي بويا ، چوخونلوغو بايراغين ساغ طرفينده اولاراق، معاصرلشمه و يا خود چاغداشليغيميزي و بايراغين آشاغي و سول طرفينده، ياشيل بويادا اولان اوچ گئن، اينانج و اعتقاد اوزگورلويونه ، اؤنم و اهمييت وئرديييميزي يانسيتماقدادير.بايراغين شكيل، فورما ، ياپي و دوزه ليشده بللي اولدوغونا گؤره آچيق ليق گتيرمه نين گركمه ديييني اينانيريق.

ده يرلي گونئي آذربايجان تورك ميللتي و شرف و جسارت قايناغي اولان، تورك ميللتچي لري، كندي و اؤز بايراغيميز باشيميزين اوستونده دالقالانماقدا اولدوغوندا ، داها تهراندا حاكيم اولان فارس شووينيزمي بيزلره، قوزئي آذربايجان و توركييه جاسوسلاري، تهمت و دامغاسيني وورمايي باجارماياجاق، بئله ليكله بو اؤنملي قوز(پوان) و، ان ويجدانسيز دوشمنيميزين اليندن آلميش بولونماقداييق.

اوجا ميللت و چوخ غئيرتلي حركتچي ميللت چي لر، لطفا بوتون ميللت لرين بايراقلاريني،

اؤزه- لليكله تورك ميللت لري بايراقلارينا، سايقييلا ياناشاراق، قوزئي آذربايجان بايراغيني اؤز بايراغيميزلا ايكيز و توركيه بايراغيندا، دوغما قارداش بايراغي بيلمه ليييك.

لطفا بايراغيميزي تانيياليم؛

لطفا بايراغيميزي تانيتديراليم؛

لطفا بايراغيميزي ياپيپ، ياياليم؛

لطفا بايراغيميزا، اوره ييميزين ان ايستي و سيجاق يئرينده يئر وئره ليم؛

لطفا بوندان سونرا بوتون ميللي توپلانتي و قورولتايلاردا ،اؤز ميللي بايراغيميزي باشيميز اوسته قالديراليم؛

لطفا او، ان غزيز و ان ده يرلي وارليغيميزي ، سئوه رك قوروياليم .

ياشاسين آذربايجان تورك ميللتي

محو اولسون آلچاق فارس شووينيزمي

آذربايجان تورك ميللتينن ان رتبه سيز عسگري- م . ع . چهره قانلي

واشينگتون- آمريكا 2003/03/04

شرفلی میللت اوز بایراغی آلتیندا یاشار"

bayraqtutan — Mon, 13 Nov 2006 08:06:18 GMT

"شرفلی میللت اوز بایراغی آلتیندا یاشار"

میللی اونده ر،دوکتور چوهره قانلی

ییرمینجی یوز ایلین سون اون ایللیینده شوروی ایمپریاسی نین داغیلماسی ایله باغیمسیز تورک دولتی بایراغی نین سایی 1- دهن 6- یاقدهر آرتدی. بونون نده نی قوزئی آذربایجان، تورکمنستان، اوزبکستان، قیرغیزیستان و قازاقستان تورک لری نین روس اسارتینده ن قورتولما قلاری ایله یاناشی باغیمسیز دولت لرینی قورماقلاری ایدی. یئنی یوز ایللیین آستاناسیندا اسارتده یاشایان گونئی آذربایجان، اویغور، کرکوک و ... تورک لری ده اوز عصیان بایراقلارینی تصدیق له یه ره ک باغیمسیزلیق اوغروندا مبارزه آپارماقدادیرلار.اوسته لیک 30 ایلده ن آرتیق قوزئی قبرس تورک لری نین باغیمسیز لیغینین اعلان ائدیلمه سینه باخمایاراق هه له ده بیرلشمیش میللت لر طرفیندهن باغیمسیزلاری نین رسمیته تانینماسی نی گوزله ییرلر.

وورغولاماق گره ک لیدیرکی، تورک سولالهلری تاریخین باشلانقیجیندان اوزون و یا خود قیسا حکمدارلیق لارینا باخمایاراق چوخ سایلی بایراقلار تاریخین صحیفه لرینده حک ائدیب لر. بوگون تورک حکمدارلاری نین تاریخینه نظر سالارساق هر بیر تورک سولالهسینین دینی اعتقادینی، ماراق وایسته ینی، دونیا گوروشونو و بیر سوزله مفکوره سی نی اونون یاراتدیغی بایراغیندان اویره نمک اولار. نیه کی، بایراق میللتین یوخ حکمدارلارین سیمگه سی سایلیردی . محض بونا گوره ده حکمدارلیق سولالهلری نین یاراتدیقلاری بایراقدان آیدین اولورکی، اونلار اوزمفکوره لرینی حکمدارلیق ائتدیی اراضی لرده یایماقلا حاکمیت لرینی برکیتمک اوچون تابعلیینده اولان میللت لری ایسته دیک لری کیمی فورمالاشدیریردیلار. بونا اورنک عینی تورک سویوندان اولان صفوی و عثمانلی حکمدارلاری دیر. صفوی لر حکومتینده حاکمیت ده اولان صفوی حکمدارلاری اساسا شیعه چیلییی قابارداراق اوزلرینه بیر مذهبی کیملیک یاراتماقلا عثمانلی حکومتینده حاکمیت ده اولان عثمانلی حکمدارلاری ایله فرقلندیلر. حتی صفوی حکمدارلاری داشیدیقلاری مذهبی مفکوره لرینی اوز بایراغیندا حک ائده ره ک (یاشیل = شیعه چیلیک) تابعلیینده اولان آذربایجان تورک لرینی و باشقا میللت لری اوز مذهبی اعتقادی چرچیوه سنیده فورمالاشدیرماغا نائیل اولدولار.

بیرینجی دونیا ساواشیندان سونرا اورتاشرق، اورتا آسیا و قافقازین ژئوپولیتیکاسی تمامی ایله آلت – اوست اولاراق بو اراضی لرده حکمرانلیق ائدهن تورک شاهلاری نین، خانلاری نین حاکیمیتینه سون قویولدو. سوزو گئدهن ساوشدان غالیب چیخان غرب دولت لری نین یاردیمیلا عثمانلی تورک لری نین حاکیمیتی آلتیندا یاشایان چوخ سایلی میللت لره باغیمسیزلیق قازاندیریلدی . عثمانلی ایمپریاسی نین وارثی سایلان تورکیه ده مدرن تورک دولتی یاراندی. اونون مقابلینده ایسه اینگیلتره کشفیاتی نین آلتینجی تملی (M.I.6) بیر باشا یاردیمیلا بوگون ایران آدلانان اولکه ده عصرلرله حاکیمیت ده اولان تورک لرین حاکیمیتینه بیر دفعه لیک سون قویولاراق فارس شاهلیق اصولو ایله اداره اولونان مدرن دولت قورولدو. قافقازدا قورولان شرقین ایلک دموکراتیک جمهوریتی (آذربایجان) و اورتا آسیا یئنی دهن کومونیزم ایدهیاسی ایله ایرهلیلهین روسلارین ترکیبینه یئرله شدیریلدی. بو گئدیشات شوروی ایمپیریاسی نین چوکمه سینه قدهر سوردو و نهایت باشقا میللت له یاناشی بئش تورک دولتی باغیمیسیز لیغینی الده ائتدی.

شوروی ایمپریاسی داغیلدیقدان سونرا باغیمسیز لیغینی قازانان قوزئی آذربایجان جمهوریتی نین بایراغی 20- جی یوز ایللیین اوللرینده اولدوغو کیمی محمد امین رسولزاده نین یاراتدیغی بایراق یئنی یارانمیش دولتین بایراغی سئچیلدی.

بورادا بایراق نه ین رمزی دیر و کیم لر طریندهن یارادیلابیلر؟ بایراق نهیی ایفاده ائتمه لیدیر و اونون یارادیلما سیندا هانسی عامیللر نظره آلینمالیدیر؟ سورغولاری اورتایا چیخیر:

بایراق نه ین رمزی دیر و کیم لر طرفینده ن یارادیلابیلر؟

بایراق هرهانسی بیر میللتین دولتینی او میللتین باشقا دولتیندهن و یا خود هرهانسی بیر میللتین دولتینی باشقا بیر میللتین دولتیندهن فرقلندیرهن بیر دولت آتریبوتو دور. بونا اورنک بوگون تورک میللتی نین هله لیک بیرلشمیش میللت لر تشکیلاتی طرفیندهن تانینمیش بئش دولتی و بو دولت لرین اوزلرینه مخصوص بایراقلاری دیر. باشقا بیر اورنک ایکی یئره بولونموش کوره میللتی دیرکی، اونا بیر بیریندهن فرقلی و حتی ضدیتلی ایکی دولت حکومت ائدیر و هر ایکی دولتینده اوزلرینه مخصوص ایکی بایراغی وار. بئله لیک له بوگون دونیا دا دالغالانان بایراقلار میللت لرین ساینا گوره یوخ، دولت لرین ساینا گوره دیرلر.

بایراق کیملر طرفیندهن یارادیلا بیلر؟

بایراق کیملر طرفیندهن یارادیلا بیلر؟ سورغوسونون جوابینا گلدیکده ایسه یوخاریدا قئید ائتدیمیز کیمی، بایراق کئچمیشلرده حاکمیته گلمک ایستهین، بیر و یا خود بیرنئچه میللتی اوزونه تابع ائتمک ایستهین شخص لر طرفیندهن یارادیلیردی. بونا اورنک تورک دونیاسیندا حکمرانلیق ائدهن تورک شاهلار سولالهسینین بایراقلاری دیر. چاغداش دورده ایسه بایراق شرایط دهن آسیلی اولاراق میللتینین موجود دورومو (اسارتی) ایله راضیلاشمایان و اونون باغیمسیز لیغینی دوشونن سیاسی بیر تشکیلات و یا خود تشکیلاتلار طرفیندهن یارادیلیر. نئجهکی، قوزئی آذربایجانین سیاسی خادمی محمد امین رسولزاده فیکیرداشلاری ایله بیر لیکده بیرینجی دونیاساواشیندان سونرا قافقازدا گورجولرین وارمنی لرین سیاسی چابالارینی دویار کن بوگونکو قوزئی آذربایجانین بایراغینی یاراتدی.

تأسف لر اولسون کی، 20-جی یوز ایللیک ده دورد انقلابین باش وئردیی گونئی آذربایجاندا، گونئی آذربایجان بایراغینین یارادیلماسی نین شاهدی اولمادیق. بو ایسه سوزو گئده ن انقلابی حرکاتلارین چاتشیمایان جهتی سایلاراق بیر گوناه کیمی انقلاب باشچی لاری نین خصوصی ایله بیر ایله یاخین گونئی آذربایجاندا حاکمیت ده اولان پیشه وری نین اوزهرینه دوشور. نیه کی، پیشهوری نین باشچیلیق ائتدیی 21 آذر حرکاتی طرفیندهن بیر بایراق یارادیلسایدی ان آزی گونئی آذربایجان میللتی 1357 – جی دئوریمنده نه ایسته دینی دوزگون بیله ره ک پهلوی سولاله سی نی دئویردیکده ن سونرا دین پردهسی ،آدی آلتیندا باشقا بیر شئونیستی حکومتین حاکمیته گلمهسینه ایمکان وئرمزدی و بوگون گونئی آذربایجان میللی حرکاتی نین یوکو گونئی آذربایجان میللیتنی آییتماقدا بوقدهر آغیر اولمازدی. نه ایسه کئچمیش تاریخدیر و تاریخده کی لری تنقید ائتسه ک ده اونلاری محاکمه ائتمک اولماز.

ییرمی بیرینجی یوز ایللیک ده گونی آذربایجان تورک لری نین موجود دورومو (اسارتی) ایله راضیلاشمایان، اونلارین باغیمسیز لیغینی دوشونن، گونئی آذربایجاندا مدنی حرکاتی سیاسی لشدیریب اونو بین الخالق عالمده تمثیل ائدهن و میللتینی اوز دولت بایراغی آلتیندا شرفلندیره ن گونئی آذربایجان میللی حرکاتی طرفیندهن باشدا میللی اونده ریمیز دوکتور چوهره قانلی اولماقلا گونئی آذربایجانین بایراقی تقدیم ائدیلهرهک، گونئی آذربایجان فعاللاری نین بز قالاسینداکی قورولتاییندا، گونئی آذربایجانین گلجک دولت بایراغی کیمی تصدیق لندی.

گونئی آذربایجان فعاللاری نین بز قالاسی قورولتایندا تصدیق لنن گونئی آذربایجانین بایراغی ساده جه گونئی آذربایجان دولتی قورولدوقدان سونرا، گونئی آذربایجان پارلامنتی نین طلبی ایله گونئی آذربایجان دولتی طرفیندهن رفراندوما قویولوب، گونئی آذربایجان میللتی نین سس چوخلوغو ایله دیشدیریله بیلر. هه له لیک میللی حرکاتیمیزین، کورسو آلتیندا حاضیرلانیب چایخانلاردا چیخان باشقا بیر بایراغا احتیاجی یوخدور. اوز شخصی سلیقه لرینه گوره بایراغیمیزی به یه نمه ین خارجده کی دوستلاریمیزا چاتدیرماق ایسته ییریک کی، گونئی آذربایجان میللی حرکاتینا ضرر یئتیرمک فیکریننیز یوخدورسا، بایراقلا باغلی ایسته ینیزی میللی دولتمیمیز قورولانا قدهر جیلولاین.

بایراق نه یی ایفاده ائتمهلی و اونون یارادیلما سیندا هانسی عامیللر نظره آلینمالیدیر؟

بایراقدا ایفاده اولونان عنصرلر، بیر میللتین میللی منسوبیتی، دینی اعتقادی ، اسکی اینانجی، دونیا گورشو، باشقا میللت لره اولان مناسیبتی و ... دیر بو عنصر لر اولابیلسین کی، بیری و یاخود بیرنئچه سی اساساً رنگلر و علامترلر واسیطه سی ایله بایراقدا ایفاده اولونسون، بونا اورنک آذربایجان و تورکیه بایراقلاریندا چاغداشلیق آنلامینی داشییان قیرمیزی رنگ و آزادلیق آنلامینی داشییان هلال شکلینده اولان آی علامتی دیر.

بایراغین یارادیلما سیندا هانسی عامیللر نظره آلینمالیدیر؟ سورغوسونون جوابینا گلدیکدهایسه یوخاریدا قئید اولونان هانسی عنصرلرین داشیدیغی اهمیتی و اونون شرایطدهن آسیلی اولاراق هانسی مقداردا و اولچوده ایفاده اولونماسی نظره آلینمالیدیر. اورنک اولاراق قوزئی آذربایجانین بایراغیندا گوی رنگ تورک له شمه نی، قیرمیزی رنگ چاغداش لاشمانی و یاشیل رنگ ایسه اسلام لاشمانی تمثیل ائدیر. آنجاق تورکیه تورک لری نین میللی منسوبیتی (تورک لویو) و دینی منسوبیتی (مسلمانیلغی) ههدهلهنمه دیینه گوره تورکیه بایراغیندا تورکلمشک و مسلمان لاشماق عامیللری نظره آلینمایب. نیاکی، هامی اوزونو یئتهرینجه تورک و مسلمان تانییر. اونلارین گرهک لی احتیاجی چاغداشلاشماق دیرکی، بایراغیندا ایفاده اولونوب. بونا اورنک بو اولکه نین آوروپا یونلو خارجی سیاستی دیر. آنجاق ایکی یوز ایله یاخین خریستیان روسلارین اسارتینده اولان و ارمنی لرین چوخ سایلی هجومونا معروض قالان قوزئی آذربایجان تورک لری نین بایراغیندا چاغداشلاشما قلا یاناشی تورک لشمک له مسلمانلاشماق ایفاده اولونمالیدیر. نیاکی، قوزئی آدربایجان تورک لری نین تورکلویو و مسلمانلیغی خریستیانلار طرفیندهن تهلوکه لرله اوزله شیب. تورک سویوندان و کوکوندهن اولان قوزئی آذربایجان تورک لری بوگونه قدهر آذربایجانلی، آذری کیمی آدلارلا يادلاشديريليبلار، اهالي نين اكثر حيصه‌‌سي دانيشديقلاري تورك ديلينه تورك ديلي يوخ، آذربايجان، آذري ديلي و ميللي منسوبيتيني ايسه تورك يوخ، آذربايجانلي و آذري آدلانديريرلار. بو، حتي قوزئي آذربايجانين آنا ياساسيندا دا قيد اولونوب دور.

گونئي آذربايجان تورك لرينين ميللي منسوبيتي شئونيست فارسلار طرفيندن انكار ائديلسه ده معين توكه نمك ده اولان كمونيست لري چيخماق شرطي ايله؛ گونئي آذربايجان تورك لري اوز ميللي منسوبيتيني اولدوغو كيمي تورك تقديم ائدير و دانيشديقلاري ديلي ده اولدوغو كيمي تورك ديلي آدلانديريرلار. گونئي آذربايجان توركلري نين مسلما نلیغي هئچ بير تهلوکه ايله اوزله شمه يب و بوگون ده تهلوكه قارشسيندا دئيیل. آنجاق چاغداشلاشماق بوگون بوميللته گره ك لي بير احتياج سايلير. محض بوناگوره ده چاغداشلاشماق گونئي آذربايجانين بايراغيندا اوزونه داها چوخ يئر آیيريب.

بئله ليك له گونئي آذربايجانين بايراغيندا گوي رنگ قوزئي آذربايجانين بايراغيندا اولدوغو كيمي تورك له شمك آنلاميني داشيير. قيرميزي رنگ قيد ائتديميزكيمي، چاغداشلاشماق و صفوي لرده ن بري يادگار قالان ياشيل رنگ مسلمانلاشماق آنلاميني داشيسادا، صفوي لر دونه مينده افراط شيعه چيليك ـ سنّي تورك لرين تپه سيني ازمك ـ آنلاميني داشييان ياشيل رنگ بوگون گونئي آذربايجان بايراغيندا اوزگور مسلمان آنلاميني داشيير. قيرميزي حيصه نين اورتاسيندا هلال شكلينده آي آزادليغين تمثالي دير. اونون قارشيسينداكي سکكيز گوشه لي اولدوز ايسه تورك ميللتي نين دولت آنلايشي ايله باغلي دير. توركون دولت آنلايشيندا دورد اساس يون (جهت)، دورد ده آرا يون واردير. بو يون آنلايشي دا توركون دونيا حاكيميتي ايده ياسي ايله سسله شير. بايراغيميز داكي آي و اولدوزون آغ رنگ ده اولماسينا گلديكده آغ رنگ بيزيم ان قديم ايناميميزا اساساً اولولوق، عدالت و گوجلولويون رمزي دير. او همده پاكليغين و حكمرانليغين سيموولودور.

آراز قاراباغلی

2

bayraqtutan — Thu, 19 Oct 2006 16:21:18 GMT

Şerefli G. Azerbaycan Türk milleti ve yenilmez hereketçi milletçiler!

Bildiyiniz kimi muracietimizin birinci bölümünde, Milli Bayraqla baghli, lazim olan movzulara toxunaraq, bayraghimizin neden bu forma ve yapida olmasi, qonusuna vardiq, indi muracietimizin bu bölümünde bu qonuya, lazim oldughu qeder toxunacaghiq; Eleki dedik, bayraq bir milletin milli varlighinin, temsilçisi, nümayendesi, simge ve simvoludur; bayraq her milletin milli varlighinin üsare ve xulasesidir; milli varliq, bir milleti, millet eden ünsürler demekdir. Milleti, millet yapan ünsürlerde, o ulusun, keçmişi, tarixi, veteni, kök ve soyu etiqadlari, inanclari, pesikolojik ve sosyal, davranişi, adet, enene, sünnetler, edebiyyat, folklor, musiqisi ve dilidir, yani bir ayri anlamda, kültür ve medeniyyetidir.

Belelikle Milli Bayraq bu ünsürlerin, göstergesi ve tezahürü olmalidir; bu qural ve qaydalari nezerde alaraq , Azerbaycanin, tarixçileri, polotikaçilari, kültür ve medeniyyet uzmanlari ve sayir gereken ixtisasçilari toplanib, 1918de esliyyeti güneyli olan babamiz memmed emin resulzade önderliyinde, azadliq ve istiqlalina qovuşmuş, vetenimizin bir hissesine, Milli Bayraq teyin etmişler.

Neceki can ve ruhun sagh solu olmaz, milletinde bir vucud ve bir varliq anlaminda, elecede veteninde bir menevi varliq mefhumunda iki çeşit bir çeşitliliyi ola bilmez, çünkü otaylini millet eden ünsürler, butaylini millet eden ünsürlerle aynidir. Düşmenin tecavüzü neticesinde, bir cughrafiya ve bir toplum iki veya neçe hisseye, Azerbaycanimizin, 1813 ve 1828 lerde Rus Ve fars elile bölündüyü kimi, bölüne biler, bildiyiniz kimi bu bir fiziki bölünmedir, ama menevi açidan, heç qudretin, bir ortaq menevi varlighi, bölub, iki etmeye gücü yetmez. El ve ayaq ikiside bir vucudun parçalaridir, onlari bir birinden ayirmaqla, heresine bir müsteqil ayri vucud demek mümkün deyilse, veten ve milletde aynen öyledir.

Sundughumuz delillere göre, quzey ve güneyin bayraq yapi ve ünsürleri bir olmalidir, yapi ve ünsürlerin ayni olmasi, zahiri görünüşün ayni olmasi anlaminda deyil. Fiziki açidan iki hisseye bölünmüş milletin, iki bayraq qaldirmasida, indiki durumda, var ve movcud olan, şertlere göredir, (aynen ikiye bölünmüş, Almaniyalar, yemenler, vitnamlar ve koreyalar kimi, iki hisseye bölünmek mecburiyyetinde qalanda, iki bayraq qaldirilir, ama parçalanmiş milletin ezim ve iradesi sonucunda, bölünmüş millet birleşirse, bayraqlarda birleşirler, ikiye bölünmüş almaniyanin, bütövleşdiyi teqdirde, iki bayraghinin birleşdiyi kimi). Bildiyiniz kimi bayraghin her cüz ve ünsürü, bir ve ya neçe mefhum ve anlam daşimaqdadir, menim bildiyim qeder, Azerbaycan bayraghini tekmilleşdiren ünsürlerin anlami aşaghida geldiyi kimidir:

Göy ve ya Mavi boya: Türklük ve Türkçülük, ucaliq, yükseliş ve ucalara varma ve yükselme niyyetinde olmaq anlamindadir, bildiyiniz kimi bayraq her milletin düşünce ve menevi dünyasinin simvol ve simgesidir, dünyaninda en üst hissesi mavi boyada olan göylerdir, ona göre bir real, gerçek ve tebii ünsürde, sayila biler, mavi boya rifah, bolluq, rahatliq ve dinclik, vuqar ve ayni zamanda genclik, anlamindada gelibdir.

Al ve ya qirmizi boya: bir anlami, qudret, güc, gelişme, temeddün, tereqqi, tekamül, çaghdaşliq ve müasirleşmedir, çaghdaşliq ve ya müasirleşme bu anlamda deyilki, Azerbaycan Türk milleti, öz menlik ve kimliyin unudub, bati kültüründe eriyib, asimile olsun, belke bu anlamdadir ki, milletimiz onu millet eden temel ünsürleri, qoruyub, güclendirib, saxlayaraq, bati medeniyyetinin, bati gelişmesinin, bati bilim ve elminin, müsbet yönlerindende, heç bir engel töretmeden, tüm yaşam sahesinde faydalana bilsin; qirmizi boyanin bir anlamida, bayraghin çox deyerli, qiymetli ve pak qanlar bahasina ele geldiyini yansitmaqdadir, yani bayraghi, bayraq yapan, ughrunda verilen qanlardir, melesef, qansiz bayraq yapilib, dalqalanmir, birinci muracietde dediyim kimi babalarimiz keçen 98 ilde Azadliq, demokrasi ve istiqlal ughrunda, 100,000 ler insanimizi qurban vermişler ve hala, başimiz üstünde dalqalanan bayraq öz bayraq deyildir; qirmizi boyanin, yaşilliq(yer) ve Mavilik(göy)ortasinda gelmesinin bir anlamida, bayragh ughrunda, ne qeder, zehmetler çekildiyini, müsibetler ve işkenceler görüldüyünü, pak ve müqeddes qanlar ittihaf edildiyini ve yerle göy arasi, yani tüm dünyamizin, qanla doldughunu tercüman etmekdedir.

Agh boyali Ay ve Seggiz bucaqli Ulduz: Bildiyiniz kimi, Xiristiyan alemi ve camiasinin en önemli menevi simvolu Selib ve yaxod Xach oldughu kimi, genellikle doghu ve müsülman ve özellikle böyük Türk dünyasininda, en önemli ve deyerli simvolu Ay veya Ay ulduz olmuşdur, keçmishde ve halihazirdede, Türk sulalesinden olan tüm hakimiyyet ve devletlerin bayraqlarinda, bir ve ya neçe Ay ve bezende ulduzla birlikde olmuşdur, bu fakti nezerde alaraq ve bizde kendimizi çox azemet ve ehtişamli babalarimizin xelef ve qeyretli torunlari hesab ederek, o sevimli ve onur qaynaghi sanilan elamet ve nişanlarin, başimiz üstünde dalqalanmaqda olan bayraghimizda olmasin ve dalqalanmasin istirik. Ay ve Ulduzun Agh boyada olmasinin bir anlamida, Türk milletinin, savaşcil yox, belke barişcil, sülh ve emin amanliq seven millet oldughunun gösterge ve tezahürüdür; Ay ve ulduzun, Agh boyada olmasinin bir ayri anlamida, qaranlighi yox, belke işiqlighi sevmek, nur ve işiqliqda yaşamaqdir. Ulduzun seggiz bucaqli olmasininda nedeni budürki, Azerbaycan bölgesinde hakimiyyetde olan Türk kökenli devletlerin, bayraqlarinda çoxunluqda, seggiz bucaqli ulduz olmuşdur; ulduzun seggiz bucaqli olmasinin, bir anlamida budürki, bir söyleme göre, oghuz boylari, doqquz olmuşlar ve hemeşe, boylarin biri hakimiyyetde olaraq, sayir seggiz boya höküm sürmüşdür; ona göre, bayraq hakimiyyetde olan boyu ve seggiz ulduzda, sayir boylarin, anlami, göstergesi ve tezahürüdür.

Yaşil boya: Bildiyiniz kimi, her bir saghlam insan, yer yüzünün yaşil olmasin ister, buna göre ki, yaşilliq, havani paklayan, oksijeni artiran, dioksidkarbonu azaldan, yaşam, hayat, bolluq ve nimet, ümran ve avadanliq, anlamlarinda daşimaqdadir, bir ayri sözle, yaşilliq, dünyanin genc, dinamik, ve hep bahar ve yaz çaghinda olmasi isteyi anlaminida yansitmaqdadir. Bildiyiniz kimi, genellikle böyük Türk dünyasi ve özellikle Azerbaycan Türkleri, yaxlaşiq, 1200 ildirki islamiyyeti qebul edib müsülman olmuşlar; 1918 de, Azerbaycan bayraghi yapilib teyin edilende, üç temel ve binövre sanilan, esl ve prinsibe en çox ehemmiyyet verilmişdir: Türkçülük ve Mavi boya, onun göstergesi, Çaghdaşliq ve Qirmizi boya onun göstergesi ve islamiyyet ve yaxod müsülmançiliq ve yaşilliq onun göstergesi, hesab edilib ve seçilmişdir.

Güney Azerbaycan Milli Oyaniş Herekati (GAMOH), gerçekden çoxunlughu müsülman olan, neçe milyonluq teşkilatdir, bu teşkilat, babalarimizin çixardiqlari qerarlari ve hemde mövcud olan, Quzey Azerbaycan Bayraghini menimseyib, en semimi sevgi ve sayqisini belirterek, uca Islam dininin üsul ve qurallarin nezerde alaraq, (Islamda, bir varlighi qebul edib etmemekde, bir şeye inanib inanmamaqda, zorakiliq ve mecburiyyet olmamalidir) ve en mükemmel şekilde demokrasiyaya inanaraq, milletimizin her halikarda, çoxunlughunun inandighi, Islam dinine, mezheb ayrimi yapmadan, sünnü, şie ve yaxod ceferi, elevi ve... demeden, en derin hörmet ve sayqisini sübut edib, belirterek (hetta bele müsülman olmasaq dahi, ve sayir din ve inancilara(demokrasiya, Insan Haqlari, vicdan huriyyeti ve mentiq çerçivesinde) sayqi ve hörmetle davranaraq), yuxarida saydighimiz üsul ve üç pirinsibde bezi deyişiklikler vermişdir; yani GAMOH teşkilati Meramnamesinde eks oldughu kimi, Türkçülük, Çaghdaşliq ve inanc azadlighina inanmaqdadir, belelikle, yuxari ve sol bucaqda olan uçgen(müselles) Mavi olaraq, Türkçülüyümüzü; ortada, aşaghi ve yuxarida olan qirmizi boya, çoxunlughu bayraghin sagh terefinde olaraq, Müasirleşme ve yaxod Çaghdaşlighimizi, ve bayraghin aşaghi ve sol terefinde, yaşil boyada olan uçgen, inanc ve etiqad özgürlüyüne, önem ve ehemmiyyet verdiyimizi yansitmaqdadirlar. Bayraghin şekil, forma, yapi ve düzelişide belli oldughuna göre açiqliq getirmenin gerekmediyine inaniriq.

Deyerli G. Azerbaycan Türk milleti ve şeref ve cesaret qaynaqlari olan, Türk Milletçileri, kendi ve öz bayraghimiz başimiz üstünde dalqalanmaqda oldughunda, daha, Tehranda hakim olan Fars şovinizmi, bizlere, Q. Azerbaycan ve Türkiye casuslari, töhmet ve damghasini vurmayi bacaramiyacaq, belelikle bu önemli qozu(poen), en vicdansiz düşmenimizin elinden almiş bulunmaqdayiq.

Uca millet ve çox qeyretli hereketçi milletçiler, Lütfen bütün milletlerin bayraqlarini, özellikle Türk milletleri bayraqlarina, sayqiyla yanaşaraq, Q. Azerbaycan bayraghini, öz bayraghimizla ikiz ve Türkiye bayraghinida, doghma qardaş bayraghi, bilmeliyik.

Lütfen bayraghimizi, taniyalim.
Lütfen bayraghimizi tanitdiralim.
Lütfen bayraghimizi yapip, yayalim.
Lütfen bayraghimiza, yüreyimizin en isti ve sicaq yerinde yer verelim.
Lütfen bundan sonra bütün milli toplanti ve qurultaylarda öz Milli Bayraqimizi başimiz uste qaldiralim.
Lütfen o en eziz ve en deyerli varlighimizi severek qoruyalim.

Yaşasin Azerbaycan Türk milleti
Mehv olsun alçaq Fars Şovinizmi

Azerbaycan Türk milletinin en rütbesiz esgeri, M.A.Çöhreqanli
2003-03-04 Vaşington, Amerika

1

bayraqtutan — Thu, 19 Oct 2006 16:20:18 GMT

Uca millet ve şerefli hereketçi milletçiler!

Her insana ayid olan bir para varlıqlar var, bu varlıqlar iki cürdür:
1- maddi, yani her insan ve ya aileye mensub olan madi varlıqalar, Ev, Araba, Bagh, Baghça ve ya sayir bunlar kimi şexsi ve ya ailevi varlıqlar;
2- menevi, şexs ve ya ailenin, düşuncesi, inancları, karakter ve prestiji, abır, heysiyyet, şeref ve bunlara benzer sayir varlıqlar;

Bildiyiniz kimi milli varlıqda iki hisseye bölünür:
1- maddi, yani bir şexs yox belke bir millete ayid olan tüm maddi varlıqlar, Denizler, Çaylar, Meşe ve Ormanlar, tüm yeraltı servetleri, Medenler kimi, Yollar, ümumi Binalar, ümumi Parklar ve...

2- menevi, her milletin Veteni, Tarixi, Keçmişi, Inanc, Idoloji ve Düşünceleri, Kultur, Medeniyyet, Musiqi, Adetler, Sünnetler, Eneneler, Milli Günler, Milli qehremanlar, Bayramlar, Klasik Edebiyyat, Folklor, ve bunların hamısının iki gözü, çırpınan yüreyi ve araşdıran beyini olan Dili, onun menevi varlıghi tanınır ve sanılır.

Bu iki hisseye bölünen varlıgha Milli Varlıq deyirler, dünyanın en gelişmiş, mütereqqi ve en güclü ve derin kültürlere malik olan milletleri, Milli varlıqlarını qorumaq ve ondan her tür teeddi ve tecavüzu def etmek üçün her bir şeylerini, hetta özel abır ve heysiyyetlerini qurban vermeye hazır olurlar; Milli Varlıq bir milleti millet eden ünsürler demekdir;

Milli Varlıq; Milli Abır, Milli Heysiyyet, Milli Namus ve Milli şeref demekdir; Belelikle, özgeler ve yabancılar tevessütüile, Vetene, Dile ve ya Milli Varlıghın her bir hissesine ayaq basmaq, qadaghalar qoymaq ve zorakılıqla bunlara benzer her bir emel, milli varlıgha teeddi ve tecavüz sanılar va tanınar, Açıq ve aydın olaraq, namus ve şeref anlamın bilen bir millet; öz milli varlıghına tecavüzu qebul etmez, ve sayir milletlerin milli varlıqlarınada ayaq basmaz. Gine belli olaraq, her şeref menasını anlayan bir millet, tüm özel varlıghını feda etmeye ve milli şerefine sürülen qara tecavüz lekkesini silmeye hazır olar. Bütün Azerbaycanin ve özellikle Güney Azerbaycanın, veziyyet ve gerçek durumu hamımıza bellidir ve her birimizin vezife ve görevide bellidir, buna açıqlıq getirmeye gerek yox.

Izin verin deyim, lütfen meni baghışlayın, QARDASLAR VE BACILAR, ÖC VE INTIQAM DUYQUSU MENI BOGHARKEN VE GÖZLERIM YAŞLA DOLUYKEN BU CÜMLENI SOYLEYIREM; FARS ŞOVINIZMI ELILE, BIZIM MILLI VARLIGHIMIZA QARA LEKKE SÜRÜLÜBDÜR, ŞEREFIMIZ VARSA, ONU PAKLAMAQ ZORUNDAYIQ. "BISMILLAH, YA MILLET, BUYURUN, IŞTE MEYDAN"

Bildiyiniz kimi, qulluq ve kolelikden qurtulmuş, azad ve özgür milletler, yabancılar, ve xususen milli şeref düşmenleri, hakimiyyetin qebul etmezler; Azad ve özgür milletler, öz hakimiyyet ve egemenliklerin qurarlar;
Azad ve özgür milletler, öz inancları, öz düşuncelerile ve istedikleri kimin yaşarlar;
Azad ve özgür milletler, vetenlerin özleri qoruyub ve sınırların kendileri cızarlar;
Qorxaq ve alçaq milletlerin Muqedderatın, yabancılar teyin ederler;
Kulturlu ve medeniyyetli milletler, Neqativ Asimile olmayi ve etmeyi qebul etmezler;
Bedevi, kültürsüz, medeniyyetsiz, cesaretsiz ve dilsiz aghızsız milletlerin Milli Varlıghi eriyib, yox olar; Zeki ve müdrik milletler (her neyin bahasına olur olsun) milltlerinin ve dillerinin ölümüne, ve düşmenleri elile tarixin ölü milletler ve ölü diller qebristanında gomulmesine izin vermezler;

Uca millet, bildiyiniz kimi, Azadlıq, Özgürluk ve Milli hakimiyyetin, simge ve simvolu olmalıdır, tarix boyu, Azadlıq, Özgürlük ve kendi hakimiyyetleri altında yaşayan milletlerin, simvollari ve senedleri, BAYRAQLARI olmuşdur,
Bayraq, Azadlıq ve Özgürlük senedi ve faktıdır.
Bayraq, Hakimiyyet ve Egemenlik simvoludur.
Bayraq, milletlerin hayatda olub yaşamasının belirtisidir.*
Bayraq, her milletin milli namus ve milli şerefidir. Ona göre demişik ki:

ŞEREFLI MILLETLER ÖZ BAYRAQLARI ALTINDA YAŞARLAR
VE ŞEREFLI MILLETLER ÖZ BUYURUQLARI ALTINDA YAŞARLAR

Deyerli millet, bildiyiniz kimi, IRAN adlanan ölkenin başkendi ve orda dalqalanan Bayraq ,babalarımızın yapdıghı, paytaxt ve bayraqdır, ama her halda melum olan delil ve nedenlere göre, indiki durumda(elbetde yuz ile yaxındır)Azerbaycan Türkünün milli varlıq ve milli şeref düşmeninin, yani FARS ŞOVINIZMININ, simvol ve simgesine çevrilibdir, bu nedenle, Iranda hakim olan rejim, Güney Azerbaycanın 35,000,000 Türk milletine, milli hakimiyyet, Tehran şeheri başkend, ve orda dalqalanmaqda olan bayraq, milli bayraq sanıla ve tanına bilmez.

Ona göre bizim esil doghma vetenimiz AZERBAYCAN, başkendimiz, Azerbaycanımızın tarixi başkendi olan TEBRIZ ve milli dilimizin adi AZERBAYCAN TÜRKCESI ve MILLI BAYRAGHIMIZ da UÇ RENGLI ve AY ULDUZLU BAYRAQDIR. Bu Güney Azerbaycan milletinin ÖZ MUQEDDERATINI elde etmek demekdir; Bu DEMOKRASI ve INSAN HAQLARI PRINSIBLERINI qebul etmek ve deyer vermek demekdir;

BU, hetta Iranda hakim olan rejimin qebul etdiyi ve ya qebul etmek zorunda oldughu uluslar arası qebul olunan qanun ve yasalara emel etmek demekdir, (lütfen Birleşmiş Milletler Teşkilatının Baş Meclisinin 1 Dekabr 1973-cü il, 3103 sayılı qetnamesine, 1949-cü il Jenevre konvensiyalarına, BMT in 15 Dekabr 1948-ci ve 16 dekabr 1966-ci illerde beynelxalq ve insan haqları haqqında qebul edilmiş beyannamelerine, BMTnin Baş Meclisinin 24 Dekabr 1950-ci il 421 sayılı qetnamesine, 1960-ci il bayannamesine ve sayir BMT ve Uluslararasi EF ÖRGÜTÜnün çıxardıqları ve verdikleri qerarnamelere diqqetle baxınız). Ama neden bu terkibde BAYRAQ, izin istirem onun cavabını, Muracietimin gelen bölümünde verim.

Yaşasın Azerbaycanın Milleti ve Milli Varlıghı
Mehv olsun Milli Şeref Duşmenimiz, Fars Şovinizmi

En derin sevgi ve sayqılarımla, M.A.Çöhreqanlı
27 Fevral 2003 Washington, Amerika